Carballo é a capital da Comarca de Bergantiños. Ao norte de Galicia, entre a Fisterra Atlántica e o Golfo Ártabro, goza dunha situación privilexiada, entre as cidades da Coruña e Santiago de Compostela. As características do clima oceánico, conceden a Carballo uns invernos suaves e uns veráns cálidos, temperaturas agradables para visitar a vila e coñecer as paisaxes da comarca.

Se queres saber cómo chegar, pica en Mapas e Planos

Na vila de Carballo celébrase tódolos xoves e domingos (segundos, cuartos e quintos de mes) unha feira na que se recollen as tradicións e os productos rurais da Comarca de Bergantiños.

Herdeira das antigas feiras de Rus e Berdillo, o mercado de Carballo ofrécenos pan, cebolas, allos, repolos, nabizas, patacas de Coristanco, capóns, ovos e mel entre outros productos, frescos e listos para ser consumidos con todo o seu sabor. Granxa Familiar ofrecévos unha galería de imaxes na que podedes ollar todos estes productos e moitos máis, sen dúbida un bo reclamo para visitar a feira.

Ademais, o Concello de Carballo e os hosteleiros locais promoven ao longo do ano, coincidindo coa feira, varias degustacións gratuítas nas que os visitantes poden probar, nos bares e restaurantes da vila, pratos elaborados con grelos ou mexilóns de Carballo. Outro bo pretexto para achegarse á feira de Carballo.

Para máis información, tamén podes visitar a páxina oficial do Concello de Carballo