O Museo do Leite recolle en imaxes, sons e vídeos o proceso de producción do leite e derivados, dende a recollida inicial do leite nas explotacións gandeiras ate o proceso final de embalaxe e empaquetado dos productos para a súa posterior comercialización. O pasado e o futuro do sector lácteo tamén teñen cabida no museo, a través dunha reportaxe que amosa a vida cotiá nunha explotación gandeira tradicional e dunha entrevista co Director Xeral de FEIRACO na que nos fala de innovación e desenvolvemento na producción e distribución do leite.

O Museo do Queixo recolle todo o proceso de elaboración deste producto derivado do leite. Tanto as imaxes como as gravacións foron tomadas nunha pequena industria láctea galega.

A través do Museo das nosas Feiras e Mercados, os visitantes teñen a posibilidade de descubrir as mercadorías, os costumes e, en xeral, o ambiente tradicional e festivo das feiras e mercados polulares de Galicia. O Museo das nosas Feiras e Mercados pretende converterse nunha referencia cultural e histórica da compra e venda, popular e tradicional, dos productos agrarios galegos, facendo un percorrido polas principais vilas e cabeceiras comarcais do espacio rural galego.