Padrón é unha pequena vila emprazada na Comarca do Sar, moi preto da capital galega. O municipio de Padrón ten moita sona a nivel nacional: aquí tiveron o seu fogar os escritores Rosalía de Castro e Camilo José Cela. Moi preto, na aldea de Iria Flavia, atopáronse os restos do Apóstolo Santiago O Maior. E, por suposto, non podemos esquecernos dos famosos pementos de Herbón.

Retrato da poetisa Rosalía de Castro

A semente dos pementos de Padrón foi traída por monxes franciscanos dende México no século XVI. As condicións do terreo, o clima e as técnicas de cultivo da localidade fan dos pementos de Padrón un producto moi saboroso.

Os pementos pódense mercar a partir do mes de xuño

Estes pementos e outros productos de horta ofrécense tódolos domingos na Feira de Padrón, e Granxa Familiar tivo a ben visitala para mostrarvos todo o que alí se ofrece: pementos, leitugas, tomates, cebolas, patacas, repolos, nabizas, grelos, queixo do país, pan de brona, etc..

Productos de horta

En fin, a Feira de Padrón representa unha boa oportunidade para mercar productos naturais nun ambiente rural.