| · A nosa horta | · A Queixería | · Froitas do País |
| · Outros produtos | · As nosas carnes | · Viños galegos |
| · Prantas ornamentais | · Prantas comestibles | · Fabas |
| · Tenda online |
Toda a información
dos nosos eventos
 |
A granxeira explícalles aos nenos como facer o marco de plantación
Aprendendo a escoller os tomates
Aprendendo a coidar os seres vivos
Os rapaces opinan sobre o seu día na granxa
"O que máis me gustou foi plantar"
"Volvería a unha granxa millóns de veces"
![Visita a Casa Vilarullo [I]](../sistema/download/1226076937_Vila1.jpg)
![Visita a Casa Vilarullo [II]](../sistema/download/1226077214_Vila2.jpg)
Diverciencia 2008. Granxas Dixitais. O CEIP San Pedro de Visma visita Casa Vilarullo
O pasado día 10 de outubro de 2008 o colexio San Pedro de Visma da Coruña participou no proxecto "Diverciencia. Granxas Dixitais”, para o que previamente fora seleccionado.
Os nenos e nenas de oito anos de idade, tiveron a oportunidade de gozar dunha xornada didáctica nunha granxa de produtos ecolóxicos ubicada no lugar de Vilarullo (Curtis), acompañados por técnicos do grupo de investigación Gis-T. IDEGA da Universidade de Santiago de Compostela e mestres do propio colexio.
Xa na saída, que tivo lugar desde o mesmo centro escolar ás dez da mañá, as facianas dos/as nenos/as amosaban grande interese e curiosidade por coñecela granxa, pois para moitos deles sería o seu primeiro contacto. Unha vez dentro do bus, foron obsequiados cunha camiseta deseñada exclusivamente para “Diverciencia. Granxas Dixitais”.
Comeza a nosa aventura
Deste xeito, todos/as ben equipadiños/as con camisetas do proxecto, tivo lugar a viaxe de ida cara á granxa Casa Vilarullo, durante a cal os/as cativos/as eran incapaces de agochala súa impaciencia por chegar.
A granxa Casa Vilarullo de productos ecolóxicos sitúase no termo municipal de Curtis, en concreto no lugar de Vilarullo, parroquia de Santa Eulalia, zona de amplios montes e espazos verdes en xeral.
Trala chegada á granxa os/as cativos/as foron recibidos/as por Belén, a granxeira propietaria, e reporteiros da Televisión de Galicia que tomarían boa nota do que alí acontecera.
Unha vez presentadas as instalacións, todos/as se puxeron mans á obra coas actividades previstas entre as cales estaban o cultivo de repolo, a recolección de tomates e pementos, coñecer o proceso de creación do compost...
Os rapaces aprenderon a facer o marco de plantación
A granxeira explícalles aos rapaces como preparar os manoxos de grelos
A visita á Granxa Vilarulllo foi unha xornada inesquecible para os rapaces/zas, onde non faltaron os xogos e as cancións.
Escoitar: "Cantando o Chiqui Chiqui"
Antes de marchar, os nenos quixeron facer a "foto de familia" con Belén, a granxeira de Casa Vilarullo
No camiño de volta no autobús, os rapaces contáronnos o ben que o pasaron na granxa.
Escoitar:"Volvería a unha granxa millóns de veces"
A chegada dos/das nenos/as de volta ó centro tivo lugar arredor das 17:30. Cada neno/a traía consigo unha mostra de produtos da granxa visitada, lucindo, pese ó esgotamento de seren granxeiros por un día, un amplo sorriso.
Queremos agradecer dende o equipo de investigación GIS-T da Universidade de Santiago de Compostela, a colaboración de Belén, a granxeira de Casa Vilarullo, así como a participación do colexio San Pedro de Visma no proxecto Diverciencia. Granxas Dixitais
 Porro |
Outros produtos da horta
|
|
| Cestas ecolóxicas |
Tes unha conta de Granxafamiliar?
Dende eiquí poderaás xestionar os teus correos...
Consulta todas as novidades o noso Canal de Youtube onde poderás atopar conferencias, charlas e reportaxes sobre Granxafamiliar.
Visita o noso Facebook para estar ao día de Granxafamiliar e as súsas novidades.
Benvidos á Galicia que estades a punto de descubrir...
[C] Granxa Familiar. 2007. Todos los derechos reservados. Aviso Legal.
Máis información no Telef. 647 344 270
Desenvolvido no marco do proxecto SINDUR, do Plan Nacional de I+D+i do MEC e do Plan Galego de I+D+i da Consellería de Industria da Xunta de Galicia (Sej2006-08889) (Cso2009-10938)
Coa colaboración de:
Coa colaboración de:
 |