Galego Castellano Granxa Familiar
Buscador

¿Buscas algo en concreto?
Inserta a palabra que desexas
atopar neste sitio web...

Buscar           Avanzada
Nosas Granxas

Pazo de Sabadelle

Información de la Granxa

Diverciencia 2008. Granxas Dixitais. O IES Rosalía de Castro visita Pazo Sabadelle


O pasado día 10 de novembro do 2008, o instituto Rosalía de Castro de Santiago de Compostela participou no proxecto “Diverciencia. Granxas Dixitais”, para o que previamente fora seleccionado.


Os rapaces e rapazas de entre 13 e 15 anos de idade tiveron a oportunidade de gozar dunha xornada didáctica nunha granxa seleccionada para o desenvolvemento das actividades.


O grupo de xoves foi acompañado por Carlos Ferrás, director do Gis-T. IDEGA , do proxecto Diverciencia e mestre na facultade de Xeografía e Historia da USC; Carlos Macía, doutor en Xeografía e integrante do grupo de investigación Gis-T. IDEGA da USC; mestres do propio instituto Rosalía de Castro, e polos colaboradores das granxas visitadas (Xosé Inocencio Figueroa da granxa ecolóxica Pazo de Sabadelle, e a explotación intensiva Sociedade Agraria de Transformación Santa Rosa) situadas en Chantada, zona de abundantes casas señoriais e gran beleza paisaxística localizada na provincia de Lugo.


A saída tivo lugar ás 10 da mañá dende o propio instituto, lugar no que estarían de volta arredor das 17:30.


O grupo de estudantes puido comprobar de primeira man as diferenzas entre unha explotación gandeira de carácter intensivo e outra de carácter extensivo e ecolóxico.





Na explotación gandeira


Ademais coñeceron o proceso de elaboración do queixo e visitaron as bodeguiñas tradicionais da Ribeira Sacra así coma as instalacións de Adegas Lareu, onde foron guiados por tódolos pasos do proceso de elaboración do viño, podendo establecer ó mesmo tempo unha comparativa entre os métodos máis tradicionais e os máis modernos da elaboración e conservación da bebida.




Escoitando e aprendendo



Así mesmo foilles amosado o Pazo de Sabadelle, sendo deste xeito testemuñas das peculiaridades deste tipo de mostras arquitectónicas tan típicas do territorio galego.


Outra das actividades da intensa xornada desenvolveuse á beira do embalse de Belesar, onde se lles explicou pormenorizadamente ós alumnos o impacto socio-económico, climático, ecolóxico, etc... da construción desta colosal presa no cauce do río Miño.


Unha vez chegada ó seu fin, a xornada didáctica tivo un inmellorable colofón coa entrega dunha mostra de produtos da granxa Pazo de Sabadelle a cada rapaz/a.


A continuación amósanse algúns dos traballos realizados polos alumnos trala viaxe. Preme aquí para descargalos.


Queremos agradecer dende o grupo de investigación GIS-T da Universidade de Santiago de Compostela a colaboración de Xosé Inocencio, o granxeiro de Pazo Sabadelle, así como a participación do instituto Rosalía de Castro no proxecto Diverciencia. Granxas Dixitais.
 
Os nosos produtos
Planta de remolacha   Planta de remolacha
Tenreira ecolóxica, raza rubia galega   Años
Capóns   Porco
Produtos da horta   Outros Produtos
 

Consulta todas as novidades o noso Canal de Youtube onde poderás atopar conferencias, charlas e reportaxes sobre Granxafamiliar.
Visitar

Benvidos á Galicia que estades a punto de descubrir...

Háznoslos llegar

[C] Granxa Familiar. 2007. Todos los derechos reservados. Aviso Legal. Máis información no Telef. 647 344 270
Desenvolvido no marco do proxecto SINDUR, do Plan Nacional de I+D+i do MEC e do Plan Galego de I+D+i da Consellería de Industria da Xunta de Galicia (Sej2006-08889) (Cso2009-10938)
Coa colaboración de:
Proxecto cofinanciado con fondos públicos
Administración
Unión Europea Ministerio de Educación y Ciencia Xunta de Galicia USC Obra Social CaixaGalicia Feiraco Concello de Antas de Ulla Concello de Brión Concello de Lalín Cáritas