| · A nosa horta | · A Queixería | · Froitas do País |
| · Outros produtos | · As nosas carnes | · Viños galegos |
| · Prantas ornamentais | · Prantas comestibles | · Fabas |
| · Tenda online |
Toda a información
dos nosos eventos
 |
![Visita a Casa Peregrina [I]](../sistema/download/1226079107_Pere1.jpg)
![Visita a Casa Peregrina [II]](../sistema/download/1226079178_Pere2.jpg)
Diverciencia 2008. Granxas Dixitais. O CEIP Compañía de María visita Casa Peregrina.
O pasado día 14 de outubro do 2008 o colexio Compañía de María de Santiago de Compostela participou no proxecto “Diverciencia. Granxas Dixitais”, para o que previamente fora seleccionado.
Os nenos e nenas de oito anos de idade, tiveron a oportunidade de gozar dunha xornada didáctica en tres granxas de Galicia seleccionadas para o desenvolvemento das actividades. Os participantes organizáronse en tres grupos diferentes, cada un deles de 25 nenos, e acompañados dun mestre e técnicos do grupo de investigación Gis-T para visitar as granxas de Pazo de Sabadelle, Casa Peregrina, Casa Fente , todas elas localizadas en distintas áreas xeográficas de Galicia.
A saída tivo lugar dende o propio colexio arredor das dez da mañá e as facianas dos nenos amosaban interese e curiosidade por coñecer as granxas, pois para a maioría deles era o seu primeiro contacto. Unha vez dentro do bus, foron obsequiados cunha camiseta deseñada exclusivamente para “Diverciencia. Granxas Dixitais”.
A granxa Casa Peregrina está ubicada en Salouzáns, na parroquia de Lamas, A Estrada. Entre os traballos da Casa Preregrina destacan a cría de capóns e o cultivo de tomates, leituga, pementos de Padrón, cebolas, repolo, etc...
Os escolares destinados a visitar esta granxa de A Estrada, foron recibidos polo grupo de mulleres socias da mesma, e tralas presentacións, comezou a acción.
En primeiro lugar foron visitar unha explotación vacuna próxima, explicada ó detalle polo seu dono. Despois, xa na propia granxa, tiveron a ocasión de cultivar leituga, recoller tomates, debullar millo para alimentalas pitas e coñecer distintas clases de muiños, velo proceso de elaboración do viño e probalas uvas, e visitar unha pequena explotación de ovellas.
Os rapaces estiveron moi atentos ás explicacións de María Xesús, unha das granxeiras de Casa Peregrina
A visita á Granxa Casa Peregrina foi unha xornada inesquecible para os rapaces/zas, onde non faltaron os xogos e as cancións.
Escoitar: "Como o estamos pasando"
Os rapaces disfrutaron moito xogando cos animais
A chegada dos tres grupos de volta ó centro tivo lugar arredor das 17:30. Cada neno/a traía consigo unha mostra de productos da granxa visitada e, pese ó esgotamento de seren granxeiros por un día, un amplo sorriso.
Queremos agradecer dende o equipo de investigación GIS-T da Universidade de Santiago de Compostela, a colaboración das granxeiras de Casa Peregrina, así como a participación do colexio Compañía de María no proxecto Diverciencia. Granxas Dixitais
 Leitugas e tomates |
Pementos
|
|
| Outros productos de horta |
Capóns
|
Tes unha conta de Granxafamiliar?
Dende eiquí poderaás xestionar os teus correos...
Consulta todas as novidades o noso Canal de Youtube onde poderás atopar conferencias, charlas e reportaxes sobre Granxafamiliar.
Visita o noso Facebook para estar ao día de Granxafamiliar e as súsas novidades.
Benvidos á Galicia que estades a punto de descubrir...
[C] Granxa Familiar. 2007. Todos los derechos reservados. Aviso Legal.
Máis información no Telef. 647 344 270
Desenvolvido no marco do proxecto SINDUR, do Plan Nacional de I+D+i do MEC e do Plan Galego de I+D+i da Consellería de Industria da Xunta de Galicia (Sej2006-08889) (Cso2009-10938)
Coa colaboración de:
Coa colaboración de:
 |