Arquivos AsociadosImaxen
Bolboreta
Bolboreta
Ampliar
 
Crisálida
Crisálida
Ampliar
 
Arado
Arado
Ampliar
 
Galo
Galo
Ampliar Siguiente
 
Sons Videos
O Viraventos
O Viraventos
Ampliar
 

Diverciencia 2010. Granxas Dixitais. O CEIP Pío XII visita Agro do Cruceiro


O pasado día 18 de novembro do 2010 o colexio Pío XII de Santiago participou no proxecto “Diverciencia. Granxas Dixitais”“, para o que previamente fora seleccionado.


Os nenos e nenas de oito anos de idade foron acompañados por dous técnicos do grupo de investigación Gis-T para visitar a granxa Agro do Cruceiro.


A granxa Agro do Cruceiro localízase na parroquia de Valenza, en Coristanco. Trátase dunha granxa dedicada á produción de produtos de horta.


Tralo recibimento e a presentación, a granxeira Lola guiou ós nenos e ás nenas divididos/as en pequenos grupos, ata o cabazo, onde recolleron millo.


Despois os/as pequenos/as aprenderon a debullar e viron como se moía o gran nun muíño, para logo alimentar, tamén en pequenos grupos, ós polos e ás galiñas.



Galo


Unha vez remataron con esta tarefa coñeceron, da man de Lola, un curioso habitante da granxa que adoita vivir sobre as follas da ruda.



Oruga


A seguinte actividade do día foi aprender a prantar leitugas coa nosa anfitriona nun dos seus invernadoiros, no que os/as meniños/as aproveitaron para recoller un tomate para cada un/unha.


O grupo divertíuse moito co xogo de "Amigos ou inimigos da horta", ó tempo que puido coñecer animais que ata ese momento nunca viran.


Trala comida, os pequenos entretivéronse pintando hortalizas en grupos e escoitaron atentamente un conto que Lola e Andrés crearon para as súas fillas.


Ver: Viraventos


Finalmente, cada un/unha dos/das participantes foi obsequiado cunha bolsa de produtos de Agro do Cruceiro.


Queremos agradecer dende o grupo de investigación GIS-T da Universidade de Santiago de Compostela a colaboración de Lola, a granxeira de Agro do Cruceiro, así como a participación do colexio López Ferreiro no proxecto Diverciencia. Granxas Dixitais.
 
[C] Granxa Familiar. 2007. Todos los derechos reservados. Aviso Legal. Máis información no Telef. 647 344 270
 
Semana da Ciencia 2010 Logo Xunta de Galicia Logo Xacobeo Logo Ministerio Logo Fecyt
Logo USC